Цанын сургалтыг Халх голын хилийн ангид зохион байгуулж байна

2016 оны 1 сарын 29

Сэтгүүлч:
Дорнод

Монголын цанын холбооноос орон нутагт ээлжит сургалтыг зохион байгуулж байна. Дорнод аймгийн Халх гол сумын хилийн 0198-р ангид “Цаначин -Хилчин” хөтөлбөр хоёр дахь жилдээ болж буй. Энэ сарын 27-ны өдөр эхэлсэн тус хөтөлбөрийн дагуух сургалтыг цанын спортын ОУХМ Б.Бямбадорж удирдан явуулж байна. Хоёр дахь жилдээ болж буй “Цаначин-Хилчин” хөтөлбөр ирэх сарын 2-ны өдрийг хүртэл үргэлжлэн явагдах юм. Сургалтын дараа тус хилийн ангид тэмцээн зохион байгуулахаар болжээ.

Дашрамд дуулгахад, Монголын цанын холбооноос нэгдүгээр сарын 19-21-ний өдрүүдэд Хэнтий аймагт гүйлтийн цаныг сурталчилах арга хэмжээг зохион байгуулсан. Тус сургалтыг “Алдар” спорт хорооны дасгалжуулагч Б.Энх-Амгалан удирдан явуулжээ. Мөн тус аймгийн Дадал суманд 20-иод жил тасалдаад байсан Зүүн бүсийн аварга шалгаруулах тэмцээнийг зохион байгуулсан.

Ч.БОЛОР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна