УИХ-ын дарга хууль зөрчсөн эсэхийг хэлэлцэнэ

2016 оны 2 сарын 2

УИХ-ын дарга З. Энхболд Үндсэн хуулийг зөрчсөн эсэхийг тодруулж өгнө үү хэмээн иргэн н.Энхбаяр Үндсэн хуулийн Цэцэд хандсан. Иргэн н.Энхбаяр нь МАН-ын гишүүн юм. Тэрбээр “УИХ-ын дарга Монгол Улсын Үндсэн хуулийн нэгдүгээр зүйлийн хоёр дахь хэсэг, Арван зургадугаар зүйлийн 10 дахь заалтын холбогдох хэсгийг тус тус зөрчсөн эсэх, мөн түүнийг огцруулах үндэслэл байгаа эсэх талаар дүгнэлт гаргуулах”-аар Үндсэн хуулийн Цэцэд ханджээ.

Энэхүү мэдээллийн дагуу Үндсэн хуулийн цэцэд 2016 оны нэгдүгээр сарын 26-ны өдөр маргаан хянан шийдвэрлэх ажиллагаа үүсгэсэн бөгөөд уг маргааныг Үндсэн хуулийн Цэц их суудлын хуралдаанаараа хянан шийдвэрлэх юм. Харин хурлын тов хараахан гараагүй байна.

 О.САР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна