Төсвийн байнгын хорооны хурал эхлээгүй байна

2016 оны 2 сарын 2

УИХ-ын Төсвийн байнгын хорооны хуралдаан өнөөдөр 14.00 цагт эхлэх ёстой ч гишүүдийн ирц бүрдээгүй байна. Хуралдаан болох танхимд одоогоор тус байнгын хорооны дарга Ч.Улаан ирсэн байгаа юм. Байнгын хороогоор нийтдээ долоон төсөл хэлэлцэхээр төлөвлөөд буй. Хамгийн эхний хэлэлцэх асуудал нь импортоор авах цахилгааны төлбөрийг Гааль болон нэмэгдсэн өртгийн албан татвараас чөлөөлөх тухай төсөл юм. Татварын энэхүү хөнгөлөлтөд ахуйн зориулалтаар ашиглах цахилгааны төлбөрийг хамруулна.

Мөн Монгол Улсын Ерөнхийлөгчийн өргөн мэдүүлсэн Ирээдүйн өв сангийн тухай хуулийн төсөл, Аж ахуйн нэгжийн орлогын албан татварын тухай хуульд өөрчлөлт оруулах тухай хуулийн төслийг хэлэлцэн шийдвэрлэнэ. Энэ төсөлд Улаанбаатар хотоос 600 км-ээс дээш газар нутагт үйл ажиллагаа эрхэлж байгаа аж ахуйн нэгжүүдийн Аж ахуйн нэгжийн орлогын албан татварыг тодорхой хувиар хөнгөлөх зохицуулалт туссан юм.

Г.ДАРЬ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна