Ард нийтийн санал асуулгын тухай хуулийг дэмжлээ

2016 оны 2 сарын 3

Төрийн байгуулалтын байнгын хороо хуралдаж байна. Хэлэлцэх асуудлын хуваарьт багтсан Монгол Улсын Их Хурлын тухай хуульд өөрчлөлт оруулах тухай хуулийг төслийн анхны хэлэлцүүлгийг хийлээ. Уг хуулийг 90,6 хувийн саналаар дэмжиж УИХ-ын чуулганд шилжүүлэхээр болсон юм.

Үүний дараа Ард нийтийн санал асуулгын тухай хуулийн төслийн анхны хэлэлцүүлгийг хийж гишүүдийн 93,3 хувь нь дэмжиж УИХ-ын нэгдсэн чуулганд шилжүүлэхээр боллоо.

Хэлэлцүүлгийн үеэр УИХ-ын гишүүн Г.Уянга “Хяналтын тооллого хийх систем нь ямар аргаар ажиллах вэ” хэмээн асуусан. Үүний хариуд УИХ-ын гишүүн Н.Батбаяр “Хяналтын тооллого гэж тусгайлан заагаагүй. Сонгуулийн тухай хуулиар хяналтын тооллогоор зохицуулна” гэсэн юм.

Ийнхүү гишүүд асуулт асууж дууссаны дараа зарчмын зөрүүтэй санал хураалт явуулсан.

Байнгын хорооны хуралдаан Төрийн албаны тухай хуульд нэмэлт өөрчлөлт оруулах тухай хуулийн төслийн анхны хэлэлцүүлгээр үргэлжилж байна.

Т.ДАВААНЯМ

    

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна