Жүдочид Парисын “Их дуулга”-д оролцоно

2016 оны 2 сарын 4

Францын нийслэл Парис хотноо энэ сарын 6-7-ны өдрүүдэд болох олимпийн эрхийн оноо олгох жүдо бөхийн “Их дуулга” тэмцээнд өрсөлдөх Монголын шигшээ багийн тамирчид өчигдөр эх орноосоо мордлоо. Энэ удаагийн Парисын "Их дуулга"-д 96 орны эрэгтэй 386, эмэгтэй 224, нийт 610 бөх өрсөлдөхөөр мэдүүлгээ өгчээ.

Манай улсаас шигшээ багийн ахлах дасгалжуулагч О.Балжинням, гавьяат тамирчин Х.Эрдэнэт-Од, ОУХМ Г.Дашдаваа нарын удирдлагад 20 бөх зодоглоно.

Багийн бүрэлдэхүүнд Хөдөлмөрийн баатар, гавьяат тамирчин Н.Түвшинбаяр, олимп, дэлхийн аваргын медальтан гавьяат тамирчин С.Ням-Очир, дэлхийн аварга гавьяат тамирчин Г.Болдбаатар, М.Уранцэцэг болон дэлхийн аваргын медальтнууд болох гавьяат тамирчин Д.Амартүвшин, М.Бундмаа, Д.Сумъяа, М.Мөнхзаяа нарын шилдэг жүдочид багтжээ.  

Эрэгтэй

  • 60 кг: Г.Болдбаатар, Д.Амартүвшин
  • 66 кг: Д.Төмөрхүлэг,  Д.Алтансүх
  • 73 кг: С.Ням-Очир, Г.Одбаяр
  • 81 кг: Н.Дагвасүрэн, О.Ууганбаатар
  • 90 кг: Л. Отгонбаатар
  • -100 кг: Н.Түвшинбаяр
  • +100 кг: Б.Тэмүүлэн

Эмэгтэй

  • 48: М.Уранцэцэг
  • 52 кг: М.Бундмаа, А.Цолмон
  • 57 кг: Д.Сумьяа
  • 63 кг: Ц.Мөнхзаяа, Ц.Цэрэннадмид
  • -70 кг: Ц.Наранжаргал
  • -78 кг: П.Лхамдэгд
  • +78 кг: О.Жавжмаа

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна