Оросын нисэх хүчин ИУ-ын 900 байгууламжид цохилт өгөв

2016 оны 2 сарын 5

Фото: Министерство обороны РФ / РИА Новости

 

Хоёрдугаар сарын эхнээс Оросын нисэх хүчин Сирид 237 удаа байлдааны нислэг үйлдэн террористуудын 900 байгууламжид  цохилт өгсөн байна. Энэ тухай хоёрдугаар сарын 4-нд БХЯ-ны төлөөлөгч хошууч генерал Игорь Конашенков мэдэгдсэнийг ТАСС дамжуулав.

 

“Хоёрдугаар сарын 1-4-ний хооронд агаар, сансарын хүчин  Сирийн Алеппо, Латакия, Хомс, Хама, Дейр-эз-Зор мужууд дахь террорист байгууллагуудын 875 байгууламжид агаарын цохилт хийлээ” гэж Конашенков хэлэв.

 

Конашенков мэдээлэхдээ, өмнөх долоо хоногт Оросын нисэх хүчин 468 байлдааны нислэг хийсний 24-ийг нь алсын агаарын хүчний Ту-22М3 онгоцнууд өөрсдийн нутгаас алан хядагчдын 23 байрлалд довтолсон гэжээ. Долоо хоногийн дотор нийтдээ террористуудын 1354 байгууламж  оросуудын агаарын довтолгоонд өртжээ.

 

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна