Путиныг шүүхэд өгчээ

2016 оны 2 сарын 12

Алексей Навальный

 

Оросын сөрөг хүчний улстөрч Алексей Навальный ерөнхийлөгч Владимир Путиныг Москва хотын Тверской шүүхэд өгчээ. Тэрбээр ОХУ-ын ерөнхийлөгч Владимир Путиныг “Сибур Холдинг” компанийн санхүүжилтийн хэрэгт ашиг сонирхлын зөрчлөөс сэргийлэх болон авлигын эсрэг хуулийг зөрчсөн хэмээн буруутган шүүхэд өгсөн байна.

 

Путины хүргэн Кирилл Шамаловын хувьцаа эзэмшдэг “Сибур Холдинг” нефть, химийн компани өнгөрсөн жил Оросын төрийн хөрөнгө оруулалтын сангаас маш бага хүүтэйгээр 1.75 тэрбум ам.долларыг авсан аж. Энэ хэрэгт ОХУ-ын төрийн тэргүүн Владимир Путин хувийн харилцаагаар санхүүжилт олгохыг зөвшөөрсөн гэж Алексей Навальный мэдэгджээ. Харин “Сибур Холдинг” компанийн зүгээс төрийн сангийн зээлийг инфра-дэд бүтцийн төсөлд олгох дүрэм журмын дагуу авсан хэмээн өнгөрсөн арванхоёрдугаар сард мэдэгдэж байв.

 

Кирилл Шамалов нь Путины бага охин Катерина Тихоноватай 2013 оны эхээр гэрлэсэн аж. Удалгүй тэрбээр “Сибур Холдинг” компанийн гол хувьцаа эзэмшигчдийн нэг болжээ.

 

Б.АНХТУЯА

 

ЭХ СУРВАЛЖ: REUTERS

 

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна