Н.Энхбаярыг Шадар сайдад зүтгүүлэх үү?

2016 оны 2 сарын 15

УИХ дахь МАХН-МҮАН-ын” Шударга ёс эвсэл”-ийн бүлгээс Шадар сайдад Н.Энхбаяр даргын нэрийг дэвшүүлсэн гэх мэдээлэл тархсан ч нотлох албаны эх сурвалж олдсонгүй.

“Шударга ёс эвсэл" бүлгийнх нь гишүүдийн зүгээс “Бүлгийн дэд дарга З.Баянсэлэнгэ Шадар сайдад МАХН-ын дарга Н.Энхбаярын нэрийг дэвшүүлж байгаа саналыг Ерөнхий сайдад өнгөрсөн нэгдүгээр сард мэдүүлчихсэн. Тийм учраас дахин энэ асуудлыг Ерөнхий сайдад өргөн мэдүүлэх учиргүй” гэсэн тайлбар хийлээ.

УИХ-ын даргад мөн Шадар сайдад МАХН-ын даргын нэрийг дэвшүүлсэн санал ирсэн эсэхийг тодруулахад эх сурвалж энэ асуудал УИХ-ын даргад өргөн мэдүүлэгдээгүй байгааг тодотголоо.

УИХ-ын ээлжит бус чуулган өнөөдөр 09.00 цагт нээлтээ хийх байсан ч гишүүдийн ирц бүрдэхгүйгээс хойшилсоор буй. Тэгвэл гишүүдийн ирц бүрдэхгүй байхад УИХ дахь МАХН-МҮАН-ын “Шударга ёс эвсэл”-ийн бүлгийнхний “бойкот” нөлөөлсөн гэх яриа байна. Тус бүлгийн хувьд Шадар сайдаар МАХН-ын даргыг томилохыг зөвшөөрсөн нөхцөлд хуралд оролцохоор тохирсон тухай ч дуулдаж байгаа юм.

МАН-ын хувьд Шадар сайдад нэр дэвшигчийг дэмжих тактик барихаар болсон гэх бор шувуу нисэж эхэллээ.

Г.ХОРОЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна