УЕПГ, “Төрийн орон сууцны корпораци” хамтран ажиллана

2016 оны 2 сарын 16

Хаврын тэргүүн сарын шинийн 8-ны билэгт сайн өдөр Улсын Ерөнхий прокурорын газар болон “Төрийн орон сууцны корпораци” Төрийн өмчит үйлдвэрийн газрын хооронд хамтран ажиллах гэрээ байгууллаа.

Хамтран ажиллах гэрээ байгуулах арга хэмжээнд Улсын Ерөнхий прокурор, төрийн хууль цаазын тэргүүн зөвлөх М.Энх-Амгалан, “Төрийн орон сууцны корпораци” ТӨҮГ-ын ерөнхий захирал А.Гантулга, Улсын Ерөнхий прокурорын орлогч Ц.Бямбацогт, Тамгын газрын дарга Ц.Арвинбуудай, “Төрийн орон сууцны корпораци” ТӨҮГ-ын Маркетинг борлуулалтын хэлтсийн дарга Т.Гэрэлт-Од, Хуулийн хэлтсийн дарга Б.Батбаатар болон албаны бусад хүмүүс оролцлоо.

Энэхүү хамтын ажиллагааны гол зорилго нь Улсын Ерөнхий прокурорын газрын 2016 оны үйл ажиллагааны төлөвлөгөөнд тусгагдсан прокурорын байгууллагын прокурор, ажилтнуудын нийгмийн асуудлыг шийдвэрлэхэд дэмжлэг, туслалцаа үзүүлэх ажлын хүрээнд Төрийн орон сууцны корпорацийн захиалгаар аймаг, нийслэл хотод баригдах болон баригдаж ашиглалтанд орсон орон сууцны хорооллуудад прокурор, ажилтнуудыг хамруулахад чиглэгдэж байна.

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна