АНУ Ираныг хакердахаар төлөвлөж байжээ

2016 оны 2 сарын 17

 

Цөмийн хөтөлбөрийн гэрээг байгуулаагүй бол АНУ Ираны эсрэг том хэмжээний цахим халдлага төлөвлөж байсан тухай “The New York Times” мэдээлжээ. Пентагоны “Nitro Zeus” гэх төлөвлөгөө нь Ираны нисэх хүчин, харилцаа холбооны систем болон цахилгаан шугам сүлжээний зарим хэсгийг хакердах төлөвлөгөөтэй байсан гэнэ. Түүнчлэн АНУ-ын батлан хамгаалахын албаныхан Ираны компьютерийн сүлжээнд электрон төхөөрөмж байрлуулахын тулд олон сая долларыг зарцуулсан аж.

 

Тегерантай хэлэлцээ үргэлжилж байх хооронд АНУ-ын тагнуулын агентлаг Ираны Кум хотын ууланд орших “Фордо” цөмийн баяжуулах үйлдвэрийн үйл ажиллагааг алдагдуулах цахим халдлагыг төлөвлөж байжээ. “Nitro Zeus” төлөвлөгөөний тухай лхагва гаригт /II.17/ Берлин кино наадмын үеэр үзүүлэх "Zero Days" баримтат нэвтрүүлэгт гарах гэнэ. Уг баримтат нэвтрүүлэгт цөмийн хөтөлбөрийн гэрээ байгуулахаас өмнөх Иран болон Барууны хоорондох зөрчлийн тухай өгүүлдэг аж.

 

Б.АНХТУЯА

ЭХ СУРВАЛЖ: REUTERS

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна