Малын хулгайчдыг баривчилжээ

2016 оны 2 сарын 17

Орхон аймгийн цагдаагийн газрын алба хаагчид эрэн сурвалжлагдаж байсан малын хулгайн гэмт хэрэгтнүүдийг баривчилжээ.

Сэжигтэн М.Ууганбаяр, М.Булганбаяр, Д.Сүхтөмөр нарыг мал хулгайлсан хэргээр Булган аймгийн цагдаагийн газраас эрэн сурвалжилж байжээ. Тэднийг Орхон аймагт “09-36” БУЛ улсын дугаартай ‘Тоёота приус” маркийн машинаар явж байхад нь саатуулан шалгахад бод малын мах тээвэрлэж явсан байна. Сэжигтнүүдийг Булган аймгийн цагдаагийн газарт хүлээлгэн өгч, тээвэрлэж явсан малын махыг хулгайн мах эсэхийг тогтоохоор ажиллаж байна. Мөн Орхон аймгийн цагдаагийн алба хаагчид, Архангай аймагт залилангийн  хэргээр эрэн сурвалжлагдаж байсан Т.Нямбаяр болон Сонгинохайрхан дүүргийн Цагдаагийн хоёрдугаар хэлтсээс залилангийн хэрэгт холбогдуулан хайж байсан М.Хишигбат нарыг баривчилж харьяа цагдаагийн байгууллагад шилжүүлсэн байна.

Б.БАТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна