О.Бурмаа Азийн тивийн аварга боллоо

2016 оны 2 сарын 18

Тайландын Бангкок хотноо өнөөдөр чөлөөт бөхийн насанд хүрэгчдийн Ази тивийн аварга шалгаруулах тэмцээн эхэллээ.

Өнөөдөр манай бөхчүүдээс эмэгтэйчүүдийн 75 кг-ын жинд ОУХМ О.Бурмаа аваргын төлөө Японы Рио Абэтэй барилдаж, 2-0-оор хожлоо. Тэрээр Узбекстан, Казахстаны бөхчүүдийг цэвэр ялж, финалд үлдсэн юм.

ДАШТ-ий мөнгө, хошой хүрэл медальт Гавьяат тамирчин О.Бурмаа ийнхүү Азийн аварга цолыг хүртлээ. Түүний хувьд ААШТ-ээс өмнө нь гурван мөнгөн медаль, нэг хүрэл медаль хүртээд байсан юм.

Тэмцээний хуваарь ёсоор маргааш эмэгтэй чөлөөт бөхийн 48, 53, 55, 60, 69 кг-ийн жингүүдийн барилдаан болно.

Манай улсаас

  • 48 кг Цогт-Очирын Намуунцэцэг
  • 53 кг Даваасүхийн Отгонцэцэг
    55 кг Ганбаатарын Отгонжаргал
    60 кг Отгонбатын Оюунтуяа
    69 кг Зоригтын Болортунгалаг тус тус барилдана.

Эмэгтэй багийн дасгалжуулагчаар Б.Батбаяр, Т.Сүхбаатар нар ажиллаж байна.

ШУУД ҮЗЭХ: https://unitedworldwrestling.org

Ч.БОЛОР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна