Д.Отгонцэцэг алтан медалийн төлөө барилдана

2016 оны 2 сарын 19

Тайландын Бангкок хотноо чөлөөт бөхийн насанд хүрэгчдийн Ази тивийн аварга шалгаруулах тэмцээн өчигдөр эхэлсэн. Тэмцээний хоёр дахь өдөр буюу өнөөдөр эмэгтэй чөлөөт бөхийн 48, 53, 55, 60, 69 кг-ийн жингийн медальтнууд тодорно. Энэ өдөр манай бөхчүүдээс 53 кг-ын жинд Д.Отгонцэцэг финалд үлдлээ. Түүний хувьд БНСУ, Японы бөхчүүдийг ялж, аваргын төлөө Энэтхэгийн бөх Прияанкатай барилдахаар учраа таарлаа. Мөн 60 кг-д О.Оюунтуяа, 69 кг-д З.Болортунгалаг нар хүрэл медалийн төлөө барилдах юм.

”Хасу-Мегастарс” клубын тамирчин Д.Отгонцэцэг 2011 онд Турк улсын Стамбул хотод болсон ДАШТ-ээс мөнгөн медаль хүртсэн.

Шигшээ барилдаан Улаанбаатарын цагаар 19.30-с эхэлнэ.

ШУУД ҮЗЭХ: http://livestream.com

Ч.БОЛОР

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна