Вена хотод чанга хэхрэгчийг торгов

2016 оны 2 сарын 23

Вена хотод аялагчид шар айраг ууж, зайдас идэхдээ ихэд хянуур байх болжээ.

Учир нь саяхан нэгэн эр тус хотын Прейтер цэцэрлэгээр кебаб идэн зугаалж явахдаа олон нийтийн газар зохисгүй аашилсан гэж 70 еврогоор цагдаад  торгуулсан аж. Ойр явсан цагдаагийн офицер түүнийг кебаб идээд чанга хэхэрсэн гэж торгосон гэнэ.

Вена хот амьжиргааны өртгөөр дэлхийд дээгүүрт ордог хот юм. Кебаб идэж яваад санамсаргүй торгуулсан Эдин Мехик энэ талаар Фэйсбүүк хуудсандаа “Кебаб хэтэрхий их сонгинотой байснаас хэхэрчихсэн. Гэтэл гэнэт нэг хүн мөрөн дээр алгадах шиг болж, цагдаа ирж торгосон” хэмээн бичжээ.

Түүнийг ямар буруу зүйл хийснээ асуухад цагдаа олон нийтийн тав тухыг алдагдуулсан гэж хариулсан байна. Мань эр торгуулахгүй гэж цагдаатай удаан маргалдсан ч дийлээгүй ажээ.

Эдин Мехик  торгуулийн хуудасны хуулбарыг Фэйсбүүк хуудсандаа шейрлэсэн байна. Энэ хэрэг сарын өмнө гарсан боловч түүнийг торгосон нь зөв байсан эсэх талаар маргаан тасрахгүй байгаа юм байна.

Түүнийг шударга бусаар торгуулсан гэж үзэж буй 100 гаруй хүн нэгдэж, цагдаагийн  офицерийн хажууд чанга хэхэрч, олон нийтийн тав тухыг алдагдуулсан гэмт хэргийн газар флаш моб хийхээр төлөвлөсөн гэнэ.

Н.Энх

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна