Бүх оддын тоглолтын тов тодорлоо

2016 оны 2 сарын 23

Монголын сагсан бөмбөгийн дээд лигийн тоглолт өндөрлөх дөхөж байна. Сагсан бөмбөг сонирхогчдын хамгийн ихээр хүлээдэг Бүх оддын тоглолтын тов гарчээ. Энэ талаар маргааш буюу энэ сарын 24-ний өдрийн 11.30 цагаас "Зууны мэдээ" мэдээллийн төвд "БҮХ ОДДЫН ТОГЛОЛТ-2016" хэвлэлийн хурлыг хийхээр болсон байна. Хуралд "Бүх Оддын тоглолт"-н гарааны тоглогчид болон дасгалжуулагчид, слэм данк, ур чадвар болон 3 онооны шидэлтэнд оролцох тамирчид оролцоно.

Лигийн найман багийн шилдэг тоглогчдоос бүрдсэн "Бүх оддын тоглолт" УБ Хандгайт дахь "Олимп" цогцолбор болон Орхон аймагт болох аж. Тодруулбал, энэ сарын 26-д Орхон аймагт "Хангарьд" спортын ордонд залуучуудын шигшээ баг, легионеруудын эсрэг тоглоно. Харин 27-нд Монголын лигийн Бүх оддын тоглолт болон слэм данк, холын зайн шидэлт, ур чадвар багийн тэмцээн болно. Мөн Монгол Улсын шигшээ баг легионер тоглогчидтой талбай дээрээ өрсөлдөнө.

"Бүх оддын тоглолт-2016"

02.26 - "Залуучуудын шигшээ баг" - "Легионеруудын баг" (Орхон аймаг "Хангарьд" спортын ордон)

02.27 - 12.00 -  Бүх оддын тоглолт болон слэм данк, холын зайн шидэлт, ур чадвар багийн тэмцээн (УБ, Хандгайт "Олимп" цогцолбор)

02.28 - 12.00 - Монгол Улсын үндэсний шигшээ баг - АНУ Легионеруудын баг (УБ, Хандгайт "Олимп" цогцолбор)

 

Ч.БОЛОР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна