Цасанд саатсан иргэдийг аварчээ

2016 оны 2 сарын 23

Цасанд саатсан 24 иргэнийг хөлдөж, осгох аюулаас аварчээ. Тодруулбал Төв аймгийн Сэргэлэн сумын "Ээж хайрхан"-ны ойролцоо дөрвөн автомашин цасанд суусан гэсэн дуудлага энэ сарын 22-ны өдрийн 19:20 цагт аймгийн Онцгой байдлын газарт иржээ. Дуудлагын дагуу тус аймгийн Онцгой байдлын газрын алба хаагчид ажилласан байна. “Королла” загварын 26-59 БНХ улсын дугаартай автомашинтай таван хүн, Соната загварын 98-28 улсын дугаартай автомашинтай зургаан хүн, Ланд-200 загварын 98-57 УНЦ улсын дугаартай автомашинтай таван хүн, Санни загварын 60-91 УНС улсын дугаартай автомашинтай найман хүн, цасанд саатсан байжээ. Онцгой байдлын алба хаагчид цасанд суусан автомашинуудыг татан гаргаж, 24 иргэнийг аймгийн төвд авч ирсэн байна.

Б.БАТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна