Дээврийнхээ цас, мөсийг арилгах албан даалгавар гаргалаа

2016 оны 2 сарын 25

Сүхбаатар дүүргийн Засаг даргын Хот, нийтийн аж ахуй, тохижилтын асуудал хариуцсан орлогч Л.Амарзаяа “Үүрэг өгөх тухай” албан даалгавар гаргалаа. Албан даалгаврын хүрээнд дүүргийн нутаг дэвсгэрийн аж ахуй нэгж байгууллагууд дээврийнхээ цас мөсийг арилгах үүрэгтэй бөгөөд биелэлтийг ирэх гуравдугаар сарын 15-ны дотор фото зургаар баримтжуулан дүүргийн Засаг даргын Тамгын газрын Дэд бүтэц тохижилтын хэлтсийн холбогдох мэргэжилтэнд ирүүлэх ажээ. Хэрэв дээвэр дээрх цас мөсөө арилгаагүйн улмаас хүн гэмтсэн тохиолдолд холбогдох хууль тогтоомжийн дагуу тухайн байгууллага хохирлыг хариуцна гэдгийг мөн анхааруулсан байна.

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна