Сельфичид тогосыг үхтэл айлгажээ

2016 оны 2 сарын 25

Хятадын нэгэн амьтны хүрээлэнд сельфичдээс болж хоёр тогос үхсэн хэрэг гарчээ. Амьтны хүрээлэнд олон хүн гоёмсог амьтантай зургаа авхуулах гэж гар дамжсаны дараа гоёмсог амьтад үхжээ. Юньнань мужийн амьтны хүрээлэнгийн ажилтнуудын мэдээлснээр хүмүүс зураг авхуулах гэж хөөрхий шувуудыг үхтэл нь айлгаж, барьж байхдаа өд сөдийг нь унагасан байжээ.

Тус амьтны хүрээлэнд ийм хэрэг өмнө нь огт гарч байгаагүй гэнэ. Амьтны хүрээлэнгийн ажилтнууд шувуудад хүрч болохгүй гэдгийг урьдчилан анхааруулсан байсан ч хүмүүс тоогоогүйгээс дээрх хэрэг гарчээ. Ажилтнуудын хэлснээр хүмүүс тогоснуудыг хоол өгч урхидан барьж авч, гараас нь мултрах гэж оролдох үед өд сөдийг нь зулгааж, сүүлнээс нь татжээ. Нэг хүн бүр тогосыг тэврэх гэж оролдсон аж. Үүнээс хойш хагас цагийн дараа тогос үхсэн байна.

Амьтны хүрээлэнгийн малын эмч тогос шувууг айснаас болж үхсэн гэж таамаглаж байгаа юм. Гэнэтийн цочролоос болж тогосны зүрх нь хаагддаг ажээ.

Н.ЭНХ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна