Өсвөрийн тамирчид Японд аяллаа

2016 оны 2 сарын 25

Японы ерөнхий сайд Шинзо Абэгийн санаачилгаар зохион байгуулдаг "JENESYS 2.0”(Japan-East Asia Network of Exchange for Students and Youths) хөтөлбөрийн 2015 оны сүүлчийн ээлжийнхэн Япон улсад 2-р сарын 15-23-нд аялаад ирлээ. Энэ удаагийн ээлжинд япон хэл сонирхогч залуус, урлаг-соёлын, байгалийн ухааны чиглэлийн оюутнууд, спортын гэсэн дөрвөн группийн 90 шахам хүүхэд залуус хамрагдан Япон орны амьдрал ахуй, соёл заншилтай бүхий л талаар танилцсан байна.

Тэдний дунд анх удаа спортынхон багтсан бөгөөд "Токио-2020" олимпийн наадамд оролцох магадлалтай өсвөр залуу 17 тамирчдыг Япон Улсаас Монгол Улсад суугаа ЭСЯ, МҮОХ сонгон багтаажээ. Монголын залуу тамирчид дээрх хугацаанд Токио-2020 олимпийн наадмын бэлтгэл ажилтай биечлэн танилцаж, Нагано-1998 цагаан олимпийн наадмын байгууламжаар зочилж, Японы биеийн тамирын дээд сургууль (Ниттайдай) болон Мацүмотогийн их сургуулиар очиж сонирхлоо. Мөн биеийн ерөнхий бүтцийн тест, булчингийн хөгжлийн судалгаа хийлгэж, багаар ажиллах сургалтад хамрагдсан юм.

MSPU

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна