Нийгмийн даатгал нөхөн төлөх тухай худал мэдээлжээ

2016 оны 2 сарын 26

УИХ-аас батлагдсан “Эдийн засгийн ил тод байдлыг дэмжих тухай” хуулийн хэрэгжих хугацаа хоёрдугаар сарын 20-ний өдрөөр тасалбар болсон. Эл хуулийн хүрээнд иргэд, аж ахуйн нэгжүүд нуун дарагдуулсан татвараас гадна нийгмийн даатгал, гаалийн бүрдүүлэлтийг ч мэдүүлж, нөхөн төлж болохоор заасан юм. Гэтэл үүнийг буруу ташаа ойлгосноос зарим мэдээллийн сайтад Нийгмийн даатгалын шимтгэл /НДШ/-ийг ирэх гуравдугаар сарын 31-ний өдрийг хүртэл нөхөн төлж болно гэж мэдээлжээ. Үүнээс үүдэн иргэд нийгмийн даатгалын байгууллагад олноороо хандах болжээ. Харамсалтай нь http://www.breakingnews.mn/c/r/23789-д гарсан мэдээлэл худлаа гэдгийг НДЕГ-ын хэвлэлийн албанаас албан ёсоор анхаарууллаа. Анхааруулгад:

-УИХ-аас батлагдсан “Эдийн засгийн ил тод байдлыг дэмжих тухай” хуулийн хэрэгжих хугацаа хоёрдугаар сарын 20-ний өдрөөр дууссан тул хуулийн хэрэгжих хугацааг сунгасан гэх ташаа мэдээлэл тарааж иргэдийг чирэгдүүлэхгүй байхыг хүсье гэжээ.  

Д.ЦЭЦ

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна