Монголын далбаатай хөлгөөр Сирид зэвсэг нийлүүлжээ

2016 оны 2 сарын 26

 

ОХУ “Георгий Агафонов” нэртэй хөлгөөр Монголын далбаан дор Сири рүү зэвсэг,  цэргийн техник тээвэрлэсэн талаар Украины “Правда” сонинд мэдээлжээ.  Уг хөлгийг ОХУ-ын арми Украинаас худалдаж авсныхаа дараа Монголын далбаан дор тээвэрлэлт хийж байсан талаар Стокгольм дахь энхийн төлөөх судалгааны олон улсын институт мэдээлсэн аж. Тус институтийн мэдээлснээр ОХУ тус хөлгөөр танк эсэргүүцэгч пуужин, танк зэрэг техникийг Сирид тээвэрлэн хүргэсэн гэнэ.

 

Харин одоо тус хөлөг “Казань-60” нэрээр ОХУ-ын тэнгисийн цэргийн далбаан дор тээвэрлэлт хийх болсон гэнэ.

 

“Георгий Агафонов” нь 1987-1988 онд ЗХУ-ын төслийн дагуу Австрид зохион бүтээсэн 10 ширхэг хөлөг онгоцны нэг гэнэ. ЗХУ задарсны дараа эдгээр 10 хөлөг Украины “Danube” далайн тээврийн компанийн мэдэлд үлдсэн аж. Украины “Danube” компаниас ОХУ хэд хэдэн хөлөг онгоц худалдаж авсан гэнэ.  

 

Украин нь зэвсэг экспортлогч ес дэх том орон бөгөөд дэлхийн хэрэгцээний 26 хувийг хангадаг гэнэ. Зэвсгийн экспортоор АНУ / дэлхийн хэрэгцээний 33 хувь/ тэргүүлдэг бол ОХУ (25 хувь), Хятад (5,9 хувь) нийлүүлэлтээр араас нь жагсдаг байна.

 

 

Б.АНХТУЯА

ЭХ СУРВАЛЖ: REUTERS, ПРЕСТУПНОСТИ.НЕТ

.

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна