Антарктидад гацсан 37 хүнийг аварчээ

2016 оны 2 сарын 28

 

Өмнөд мөсөн далайгаар аялж явсан Австралийн мөс хагалагч хөлөгт эвдрэл гарч, 37 хүнийг аврах ажиллагаа амжилттай болжээ.  Хүчтэй цасан шуурганы үеэр мөс хагалагч хөлгийн урд хэсэгт эвдрэл гарсан аж. Ийм явдал өчигдөр болжээ.

 

“Aurora Australis” мөс хагалагч хөлөг дээр байсан хүмүүсийг цаг агаар сайжирсны дараа “Mawson” судалгааны станцад хүргэсэн байна.

 

“Aurora Australis” хөлөг Тасмани арлаас өнгөрсөн нэгдүгээр сарын 11-нд Өмнөд мөсөн далайд судалгаа явуулахаар аялалд гарсан байна. Түүнчлэн хөлгөөр “Davis” судалгааны станцаас бусад судлаачдыг авчрах төлөвлөгөөтэй байжээ.

 

95 метр урт 3911 тонн жинтэй “Aurora Australis” хөлөг 1989 онд анх өмнөд мөсөн далайд гарч байсан аж. Энэ нь 1.2 метр зузаан мөсийг зүсэн явах чадвартай бөгөөд дотроо фитнесс, номын сан, амралтын өрөөтэй гэнэ.

 

Б.АНХТУЯА

ЭХ СУРВАЛЖ: ВВС

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна