Францад Зикагийн халдвар илэрчээ

2016 оны 2 сарын 28

 

Францад Зика вирус бэлгийн замаар халдсан анхны тохиолдол бүртгэгдсэнийг эрүүл мэндийн албаныхан мэдээлжээ. Зика вирусын халдвар илэрсэн эмэгтэйн нөхөр нь Бразиль улсад аялаад ирсэн аж.

 

Зика вирусын халдвар өнгөрсөн аравдугаар сард Бразильд гарснаас хойш Латин Америк болон Карибын 20 гаруй орны 1.5 сая хүн халдвар авчээ. Жирэмсэн эмэгтэй Зика вирусын халдвар авснаар жижиг толгойтой, оюуны хомсдолтой хүүхэд төрдөг аж. Гэхдээ Мексикт халдвартай эхээс эрүүл хүүхэд төрсөн тохиолдол бүртгэгдсэн юм.

 

Зика вирус нь шумуулын хатгалтаар дамжин халддаг боловч АНУ-д 14 хүн бэлгийн замаар халдвар авсан нь тогтоогдсон юм.

 

Б.АНХТУЯА

ЭХ СУРВАЛЖ: ASSOCIATED PRESS

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна