Алтны үнийн өсөлт валютын хямралын урдатгал

2016 оны 3 сарын 1

 

Он гарсаар металлуудаас алтны ханш сайн байгаа юм. Өнгөрсөн хоёр сарын хугацаанд алтны үнэ 16 хувиар өслөө.

Харин дэлхийн гол валютын нэг болох Их Британийн паундын ханш унаж байна. Шинжээчид үүнийг нь 1990-ээд оны Европын валютын хямралтай адилтган үзэж байна. Тэр хямралаар хөрөнгө оруулагч Жорж Сорос паунд болон Английн банкны эсрэг тоглон нэг тэрбум ам.долларыг босгож чадсан юм.

Энэ онд үнэт металл евротой харьцуулахад 16 хувиар, ам.доллартай харьцуулахад 17,5 хувиар, паундтай харьцуулахад 24 хувиар өссөн гэж BNY Mellon мэдээлжээ. Алт иентэй харьцуулахад хүртэл есөн хувиар өсжээ.

Их Британи Европын холбоонд үлдэх үү, үгүй юу гэдгийг шийдэх бүх нийтийн санал асуулгын тов зарласны дараа паундын ам.доллартай харьцах ханш унаж, сүүлийн долоон жилийн хамгийн доод үзүүлэлтэд хүрсэн юм.

"Алтны үнийн хөөрөгдөл нь валютын зах зээлд нөлөөлөх бүх нийтийн санал асуулгын түгшүүртэй холбоотой гэж үзэх нь зөв байх. Энэ нь 1990-ээд оны эхэн үеийн Европын валютын хямралтай адилхан харагдаж байна” хэмээн BNY Mellon-ы ерөнхий стратегич Саймон Деррик тэмдэглэв.  

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна