Mongolz баг хоёр дахь тэмцээндээ оролцоно

2016 оны 3 сарын 1

Хоёрдугаар сарын эхээр Тайваньд болсон Ази, Номхон далайн бүсийн компьютерийн мэргэжлийн тоглоомын тэмцээнд амжилттай оролцон дэлхийн чанартай хоёр тэмцээнд оролцох урилга авсан Монголын залуучуудын Mongolz баг АНУ-д болох тэмцээндээ оролцож чадаагүй билээ. Тэдэнд Улаанбаатар дахь АНУ-ын ЭСЯ виз олгохоос татгалзсан юм.

Азгүйтсэн Mongolz дараагийн тэмцээн болох Польш руу нэвтрэх виз авах нь бас асуудалтай байгаа тухай сураг сонсогдож байсан ч визээ авч өнөөдөр Польшид газардаж байгаа юм байна.

Польшийн Катовиц хотод болох тэмцээн маргааш эхлэх юм. Бээжин дэх Польшийн ЭСЯ Монголын багийн визийг гуравхан цагийн дотор визийг нь гаргаж өгчээ.

Mongolz баг өөрийн нүүр номондоо “Консул хэлэхдээ: Танай багт гурван цагийн дотор Шенгений виз олгосон явдал нь Польшийн ЭСЯ-ны түүхэн дэх онцгой явдал байлаа. Тийм учраас та бүхэн ялах ёстой” гэж бичжээ.

А.ШАРАВ

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна