15 улс нефтийн олборлолтоо нэмэхгүй

2016 оны 3 сарын 2

Фото: Transocean / Zumapress / Globallookpress.com

Дэлхийн нефтийн нийлүүлэлтийн 70 гаруй хувийг атгадаг 15 улс орон  нефтийн үнийг 2016 оны нэгдүгээр сарын төвшинд барьж байх гэрээнд нэгдээд байгаа тухай Оросын Эрчим хүчний сайд Александр Новак мэдэгдлээ.

Мөн нефтийн үнэ 2014 оны хэмжээнд эргэн орохгүй, занарын нефтийн олборлолтын өөрийн өртөгт тулгуурласан байна гэж тэр ярив.

Нефтийн үнэ баррель нь 50-60 доллар болоход  зах зээл дэх нефтийн  илүүдэл доошлох юм. 2014 оны зун хүртэл Brent нефтийн баррель 115 доллар байгаад өнөөдөр 30 доллараар зарагдах болжээ.

Доха хотноо хоёрдугаар сарын 16-ны өдөр Орос ба ОРЕС-ийн хэдэн гишүүд бүтэн хагас жилийн дотор үнийнхээ 70 хувийг алдсан нефтийн үнэлгээг ихэсгэхийн тулд  хар алтны олборлолтыг нэгдүгээр сарын төвшинд барьж байхаар тохиролцсон билээ. Дараа нь түүнд Ирак, Кувейт нэгджээ.

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна