Монгол Улсын Ерөнхийлөгч Ц.Элбэгдорж өнөөдөр Хөвсгөл нутгийг зорин хөлгийн жолоо залжээ. Тэрбээр гуравдугаар сарын 2-3-ны өдрүүдэд Хөвсгөл аймагт ажиллах бөгөөд  Хөвсгөл аймгийн Хатгал тосгонд болох “Хөх сувд-2016” мөсний баярт оролцож, аймгийн төв Мөрөн сумын иргэдтэй уулзалт хийхээр төлөвлөсөн байна.

Төрийн тэргүүнийг Амьдрах орчин, ногоон хөгжлийн бодлогын зөвлөх О.Чулуунбилэг, Хөвсгөл аймгийн ИТХ-ын дарга Т.Болдбаатар, аймгийн Засаг дарга А.Эрдэнэбаатар, аймгийн Үйлдвэр, хөдөө аж ахуйн газрын дарга Б.Галбадрах нарын зэрэг албаны хүмүүс дагалдан ажиллах юм.

Д.ЦЭЦ