ИЗНН 16 нас хүрлээ

2016 оны 3 сарын 9

ИЗНН байгуулагдсаны 16 жилийн ой өнөөдөр тохиож байна. Ойн баярыг тохиолдуулан тус намын дарга Ц.Ганхуяг намынхандаа мэндчилгээ дэвшүүлэв. Тэрбээр мэндчилгээндээ “Хүний хувьд 16 нас нь аав ээжийнхээ гараас гарч амьдралын алтан босготой золгосон, улс орныхоо иргэний үүргээ биелүүлэх хариуцлага үүрч эхлэх цаг хугацааг харуулсан нэн чухал үйл явдал билээ. "Сайн цагийг бид авчирна" уриатай Иргэний Зориг Ногоон Нам (ИЗНН)-ынхан өнөөдрийг хүртэл бартаа саадыг даван туулсаар хэлэх үгтэй, хийсэн ажилтай, Ногоон хөгжлийг тугаа болгон намируулсан шигээ улс төрийн бусад хүчнийг манлайлж явна.

Улс төрд хат сууж, наад захын доргилтод огт торохгүй хээв нэг буурь заах насанд хүрсэн намынхаа нийт гишүүд, дэмжигчдэд чин сэтгэлээсээ халуун баяр хүргэж, эх орныхоо хөгжил дэвшлийн төлөө улам их амжилт гаргахыг хүсье.Хөх Монгол минь мөнхөд мандан бадраг” гэжээ.

Д.Цэц

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна