Ноосны урамшууллыг олгоно

2016 оны 3 сарын 12

Хүнс, хөдөө аж ахуйн сайдын тушаалаар малчдад ноосны урамшууллыг ирэх дөрөвдүгээр сараас олгох болжээ.

Үндэсний  боловсруулах үйлдвэрт арьс шир, хонь, тэмээний ноос бэлтгэн тушаасан хоршооны гишүүн малчин, мал бүхий этгээдэд 2014 оноос эхлэн мөнгөн урамшуулал олгож байгаа. Энэ жил малчдад ноосны урамшууллыг олгож эхлээгүй байгаа ч салбарын сайд нь тушаал гаргаснаар хөрөнгө нь батлагдаж, Сангийн яаманд хүргээд байгаа аж. Тиймээс ирэх дөрөвдүгээр сард багтаан 19.6 тэрбум төгрөгийн ноосны урамшууллыг малчдад хуваарилах болсон байна. Өнгөрөгч 2015 онд 18.3 тэрбум төгрөгийг олгож байжээ.

Дашрамд дурдахад, ноосны урамшууллыг зөвхөн хоршооны гишүүн малчдад олгож ирсэн. Харин энэ хязгаарлалтыг үгүй болгож, үндэсний боловсруулах үйлдвэрт арьс шир, ноос тушаасан малчин бүрт урамшуулал олгодог байх тогтоолын төсөл боловсруулж, УИХ-ын Хаврын чуулганаар хэлэлцүүлэхээр болжээ.

Т.НЯМ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна