Шадар сайд Казахстан Улсын Элчин сайдыг хүлээн авч уулзлаа

2016 оны 3 сарын 16

Монгол Улсын Шадар сайд Ц.Оюунбаатар, Бүгд Найрамдах Казахстан Улсаас Монгол Улсад суугаа Элчин сайд К.Кобландин болон Дорнод Казахстан мужийн захирагч Д.К.Ахметов нартай уулзлаа. Уулзалтад Баян-Өлгий, Увс, Ховд аймгуудын Засаг дарга нар болон БИПЕК АВТО-АЗИЯ группийн төлөөлөгчид оролцсон юм. Тус улсаас Дорнод Казахстаны Монгол Улстай хиллэж байгаа аймгуудтай бүс нутгийн хамтын ажиллагааг тодорхой чиглэлээр бэхжүүлэн ажиллах, машин үйлдвэрлэл, хүнсний үйлдвэрлэл болон бусад чиглэлүүдээр хамтран ажиллах санал гаргасан байна.

Шадар сайд Ц.Оюунбаатар тавьсан саналыг дэмжин ажиллахад бэлэн байгаагаа уулзалтын үеэр илэрхийлсэн. Мөн тэрээр архелогийн чиглэлээр хамтарч ажиллавал илүү үр дүнд хүрэхийг онцлоод, МҮХАҮТ болон холбогдох бусад байгууллагуудтай холбон цаашдын үйл ажиллагаанд нь дэмжлэг үзүүлэхээ мэдэгдлээ. Түүнчлэн Баян-Өлгий, Ховд, Увс аймгуудын Засаг дарга нартай тусгайлан уулзаж, хил орчмын хамтын ажиллагааны талаар санал бодлоо солилцохыг зөвлөсөн юм. Мөн “Нүүдэлчин түмний шатрын тэмцээн” зохион байгуулах талаар хэлээд тус тэмцээнд Казахстаны талаас идэвхитэй оролцохыг уриаллаа. 

ЭХ СУРВАЛЖ: ZASAG.MN

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна