Нүүрсний экспорт 16 хувиар буурчээ

2016 оны 3 сарын 16

Нүүрс олборлох чиглэлээр идэвхтэй үйл ажиллагаа явуулж байгаа  49 уурхай байгаа ажээ. Тэдгээрээс 30 нь өнгөрсөн хоёрдугаар сард хэрхэн ажилласан талаарх мэдээгээ Ашигт малтмалын газар /АМГ/-т өгчээ.  АМГ-т мэдээ өгсөн нүүрсний уурхайнууд 12832 мянган  м3-д хөрс хуулалт хийж, нийтдээ  3667.8  мянган тн нүүрс олборлосон нь өнгөрсөн оны мөн үеийнхээс өссөн дүн юм. Гэтэл олборлосон нүүрснийхээ 3140.4 мянган тн-ыг борлуулж,  1435.4 мянган тн-ыг  экспортод гаргасан нь өнгөрсөн оныхоос буурсан дүн ажээ. Нүүрсний борлуулалт 2,3 хувиар, экспорт 16 хувиар буурсан байна.

Олборлосон чулуун нүүрсээ бүгдийг экспортод гаргасан бол хүрэн нүүрсийг дотоодын хэрэгцээнд нийлүүлсэн гэж мэдээлжээ.  

Д.ЦЭЦ


2015, 2016 оны харьцуулалт, мян тонн

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна