Ус ба хариуцлага зөвлөгөөн болж байна

2016 оны 3 сарын 17

Монгол улсад усны салбар үүсч хөгжсөний 77 жилийн ой, жил бүр уламжлал болгон зохион байгуулдаг Дэлхийн усны өдрийг угтан Өмнөговь аймгийн Байгаль орчин аялал жуулчлалын газар, Алтайн өвөр говийн сав газрын захиргаа хамтран “Ус ба хариуцлага” зөвлөгөөнийг зохион байгуулж, сумын Засаг дарга, багийн Иргэдийн нийтийн хурлын дарга, ус хэрэглэгчдийн төлөөллийг хамруулж байна. Уг зөвлөгөөнөөр усны хэрэглээ ба хариуцлага, усны салбарт хийсэн хөрөнгө оруулалт, Алтайн өвөр говийн сав газрын захиргааны үйл ажиллагаа уст цэгийн тоо бүртгэлийн үр дүн, сав газрын  хэрэгжүүлж буй ажлын талаар мэдээлэл хийсэн юм.

Өмнөговь аймгийн хувьд Бэлчээрийн усан хангамжийг сайжруулах арга хэмжээний хүрээнд сүүлийн 4 жилд улсын төсвийн 666 сая төгрөгийн хөрөнгө оруулалтаар 15 суманд 36 худгийг, орон нутгийн төсвийн 520 сая төгрөгийн хөрөнгө оруулалтаар 27 худгийг тус тус шинээр гаргах ажлыг гүйцэтгүүлэв. Үүний үр дүнд аймгийн хэмжээнд 63 инженерийн хийцтэй худаг шинээр гарч, 100 орчим мянган га бэлчээрийг усжуулав. Энэхүү усжуулах, усан хангамжийг нэмэгдүүлэх ажлын үр дүнд  бэлчээрийн усан хангамж 38-42,5%-д хүрээд байна.

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна