Барьцаалагдсан япон сэтгүүлч тусламж хүсчээ

2016 оны 3 сарын 17

 

Сирид барьцаалагдсан япон сэтгүүлчийн бичлэг олон нийтэд цацагджээ. Сэтгүүлч Жумпей Ясуда өнгөрсөн оны зургадугаар сард сураггүй Сирид болсон юм. Түүнийг аль-Каида бүлэглэлтэй холбоотой аль-Нусра босогчдын хүчний барьцаанд буй гэх мэдээлэл “NHK” телевизээр өмнө нь гарч байсан юм.

 

Бичлэгт сахалтай эрэгтэй англи хэлээр “Сайн байна уу, Би бол Жумпей Ясуда. Өнөөдөр гуравдугаар сарын 16, миний төрсөн өдөр” хэмээн  өөрийгөө танилцуулжээ. Тэрбээр өөрийг нь суллахын тулд барьцаа төлөхийг Японы засгийн газраас хүссэн байна. Харин Японы гадаад хэргийн сайд Фумио Кишида “бичлэгийг шинжилж, энэ хэргийг анхааралдаа авсан” хэмээн мэдэгджээ.

 

Өмнө нь өнгөрсөн 2015 онд Японы хоёр иргэн “Исламын улс” бүлэглэлд барьцаалагдсан ч Токио барьцаа төлөөгүйгээс цаазлуулсан юм. Японы засгийн газраас хэт даврагчдыг санхүүжүүлэхийн эсрэг олон улсын зөвшилцлийг мөрдөж барьцаа төлөхөөс татгалзаж байв. Энэ хэрэгт Японы засгийн газар олон нийтээс багагүй шүүмжлэл хүртсэн билээ.

 

Б.АНХТУЯА

ЭХ СУРВАЛЖ: AGENCE FRANCE-PRESSE

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна