Месси, Сураес, Неймар гурав “Арсенал”-ыг үгүй хийлээ

2016 оны 3 сарын 17

Аваргуудын лигийн 1/8 шигшээн хариу тоглолтууд болж өндөрлөлөө. Өнгөрсөн шөнө Испанийн алдарт “Барселона” клуб талбайдаа Английн “Арсенал” клубыг хүлээж авч, шийдвэрлэх тоглолт хийсэн юм. Өмнөх тоглолт Англид болоход “Барса” өрсөлдөгчөө талбайд нь 2:0-ээр хожсон.

Тэгвэл хариу тоглолтод Каталаны баг 3:1-ээр өрсөлдөгчөө хожлоо. Ингэснээр нийлбэр дүнгээр 5:1-ээр “Арсенал”-ыг хожиж, дараагийн шатанд үлдэж байгаа юм.

Тоглолтын 18 дахь минутад Неймар гоолдож, тооны харьцааг нээсэн. Харин 51 дэх минутад Эль-Ненни хариуг нь барьж, тэнцүүлсэн. Гэвч 65 дахь минутад Суарес гоёмсог нэгэн гоолыг оруулсан бол Месси 88 дахь минутад гүйцээжээ.

Ингэснээр Месси, Суарес, Неймар гурав “Арсенал”-ыг Аваргуудын лигээс хасч байгаа юм.

ЭХ СУРВАЛЖ: www.mminfo.mn

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна