Хилийн дагуу гарсан түймрийг цурманд орууллаа

2016 оны 3 сарын 18

Сэтгүүлч:
Дорнод

Дорнод аймгийн Матад сумын нутаг Лагийн хар энгэр нэртэй газар гуравдугаар сарын 17-ны өдрийн 16.00 цагийн орчимд хээрийн түймэр гарсан байна. Улмаар хил рүү ойртон дугаар заставаас 20 орчим км, хилээс 4-5 км орчимд тулж ирснийг Сүхбаатар аймгийн Эрдэнэцагаан суман дахь Хилийн 0146 дугаар ангийн захирагч П.Мөнхбаатараар ахлуулсан таван бүлгийн 40 гаруй хүн шуурхай үүрэг гүйцэтгэж гуравдугаар сарын 18-ны өдрийн  05.30 минутын байдлаар хилийн дагуу асч байсан түймрийг цурманд оруулаад байна. Харин Дорнод аймгийн Матад сумын нутгийн гүнд асч буй түймэр унтраагүй байгаа бөгөөд түймрийг унтраах зорилгоор хилчид, Онцгой байдлын албан хаагчид, орон нутгийн иргэд ажиллаж байна.

Л.ХАЛИУ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна