“Монголын Медиа корпорациас санаачилсан “Ардын үг” иргэдийн зөвлөлдөх аяныг Дорноговь аймгаас хэрэгжүүлж эхэлж байна.

Үүнтэй холбогдуулан зөвлөлдөх аяныг зохион байгуулагчид энэ өдрүүдэд тус аймагт ажиллаж байгаа бөгөөд зөвлөлдөх аяныг зохион байгуулах талаар хамтран ажиллах хүсэлтийг тус аймгийн Засаг даргын орлогч Ж.Галбадрахад өнөөдөр албан ёсоор хүргүүллээ.

“Ардын үг” аяныг хэрэгжүүлэхдээ 21 аймгаас түүвэр байдлаар говь, хангай, баруун, зүүн, төвийн бүсийн аймгуудаас сонгож, санамсаргүй түүврээр сонгогдсон аймгуудад Зөвлөлдөх санал асуулгыг явуулах юм. Говийн бүсийн аймгуудаас Дорноговь аймаг сонгогдсон бөгөөд зөвлөлдөх аяны хүрээнд нутгийн иргэдийн үгийг сонсож, бодлого шийдвэр тусгах, санаа бодлыг хүргэх зэрэг үйл ажиллагааг явуулах юм.