Л.Гансүхийн ялыг 3.6 жил болгон буурууллаа

2016 оны 3 сарын 23

Шинэчлэлийн Засгийн газраас хэрэгжүүлсэн “Нүүрс” хөтөлбөрөөс 3.6 тэрбумыг шамшигдуулсан хэргээр хоёр шатны шүүхээс 4.6 жилийн ял сонссон Л.Гансүхийн хэргийг өнөөдөр Улсын Дээд шүүх авч хэлэлцлээ. Улсын дээд шүүхээс Л.Гансүхэд анхан болон давж заалдах шатны шүүхээс оноосон 4.6 жилийг 3.6 жил болгон бууруулж, жирийн дэглэмтэй хорих ангид ял эдлүүлэх шийдвэрийг гаргасан байна. Харин Б.Мөнгөнтуяад холбогдох хэргийг хэрэгсэхгүй болгож цагаатгажээ. Мөн Л.Гансүх, Н.Даваахүү нараар "Багануур" компанийг хохироосон хэмээн  1.1 тэрбум төгрөгийг хувь тэнцүүлэн төлүүлэхээр шийдвэрлэсэн байна.

Шүүгдэгч Л.Гансүх шүүх хуралд оролцоогүй. Харин УИХ-ын гишүүн Н.Алтанхуяг, түүний өмгөөлөгчид, мөн Б.Мөнгөнтуяа, Н.Даваахүү нар ирж оролцсон юм.  Хэргийг Улсын Дээд шүүхийн Танхимын тэргүүн Т.Уранцэцэг, шүүгч Б.Бат-Эрдэнэ, Б.Батцэрэн, Ч.Хосбаяр, Б.Цогт нар шүүлээ.

 Б.БАТ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна