“ИУ”-ынхан Европ руу довтлохоор зэхжээ

2016 оны 3 сарын 24

Фото: Martin Meissner / AP

 

Олон улсын террорист байгууллага “Исламын улс” бүлгийнхэн Европт довтолгоо хийхээр 400-600 дайчдаа бэлтгэсэн гэж лхагва гаригт өөрийн эх сурвалжаас иш татан Associated Press мэдээлэв.

 

Дайчдыг Ирак, Сирийн нутаг дахь лагериудад сурган тэдэнд тэсрэх төхөөрөмж бэлтгэх, ажиглалт явуулах зэргийг сургасан байна. Парист аллага үйлдсэн террористууд одоо Герман, Их Британи, Итали, Дани, Шведад байрлажээ. Саяхан  исламчуудын өөр нэг хэсэг Туркаас  Европт орж ирсэн гэнэ.

 

Гуравдугаар сарын 22-нд Брюсселийн Завентем нисэх буудал ба метроны Маальбек станцыг  дэлбэлж, 32 хүн амиа алдсан ба 300 орчим хүн эмнэлэгт  хүргэгдсний жар гаруй нь эрчимт эмчилгээнд байгаа ажээ. Тус оронд Аюулгүйн дээд зэргийн дөрөвдүгээр төвшин зарлагдаад байна.

 

Бэлтгэсэн Ш.МЯГМАР

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна