Худалдааны төвд залилан хийдэг этгээдийг барьжээ

2016 оны 3 сарын 24

Нэрээ янз бүрээр сольж, залилангийн гэмт хэрэг үйлддэг олон удаагийн үйлдэлтэй этгээдийг Чингэлтэй дүүргийн цагдаагийн хэлтэс шалгаж байна.  

Уг нь этгээд нь өөрийгөө Батжаргал, Цоож, Төрболд, Болор-Эрдэнэ, Төмөрөө гэх зэргээр хүмүүст танилцуулан, "Хүчит шонхор", "Бөмбөгөр", "Барс", "Нарантуул" олон улсын худалдааны төв зэрэг томоохон худалдааны төвүүдээр явж "Их хэмжээний бараа бүтээгдэхүүн худалдаж авна, одоо мөнгө өгөх хүн маань ирнэ, түр мөнгө өгч байгаач" гэж бусдыг залилдаг байна. 

Түүний жинхэнэ нэр болоод залилан хийсэн 19 удаагийн үйлдлийг цагдаагийн алба хаагчид тогтоогдоод байгаа аж. Иймд түүнд залилуулсан хүмүүс Чингэлтэй дүүрэг дэх цагдаагийн хоёрдугаар хэлтэст хандахыг цагдаагийн байгууллагаас анхааруулж байна. 

Т.НОМИН

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна