Галт тэрэгний тасалбарыг урьдчилан захиалдаг болжээ

2016 оны 3 сарын 24

Сэтгүүлч:
Улаанбаатар

УБТЗ-ын Зорчигч үйлчилгээний төвөөс мэдээлснээр иргэд галт тэргээр зорчих тасалбараа урьдчилан захиалах болжээ. Ингэснээр зорчигч үйлчилгээний төвийн ажлын ачаалал буураад зогсохгүй иргэд ая тухтай үйлчлүүлэх боломж бүрдэж байгаа гэнэ.

Зөвхөн Замын-Үүдийн зорчигч үйлчилгээний төвөөр өдөрт 450-550 зорчигч үйлчлүүлдэг байна. Ачаалал ихтэй, нэмэлт галт тэрэг ажиллуулсан үед зорчигчийн тоо 650-750-д хүрдэг ажээ.  Улаанбаатараас Замын-Үүд, Замын-Үүдээс Улаанбаатар гэсэн чиглэлийн галт тэргэнд дунджаар 1130 зорчигч үйлчлүүлдэг бол  тэдгээрийн 500-550 орчим нь Замын-Үүдээс тасалбараа худалдан авдаг бол дийлэнх олонх нь тасалбараа урьдчилан захиалж авдаг болжээ.  Урьдчилсан захиалгыг хоёр сарын өмнөөс авдаг бөгөөд төлбөрөө бүрэн төлсөн нөхцөлд тасалбарыг олгодог ажээ.

Д.ЦЭЦ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна