Г.Мөнхтөгс 24 кг-ын жинд хүрэл медаль хүртжээ

2016 оны 3 сарын 28

Японы Шизоки мужийн Яиузи хотод жил бүр болдог чөлөөт бөхийн сурагчдын олон улсын тэмцээнээс Орхон аймгийн “Ирээдүйн одод” спортын дунд сургуулийн сурагч Г.Мөнхтөгс III-IY ангийн сурагчдын ангиллын 24 кг-ын жинд хүрэл медаль авчээ.

Цэцэрлэгийн насны хүүхдийн, I-II, III-IY, Y-YI ангийн сурагчдын гэсэн 4 ангиллаар болдог тус тэмцээнд манай улсаас “Алдар” спорт хорооны дасгалжуулагч, Гавьяат дасгалжуулагч Ц.Хосбаяр, “Орхон аймгийн “Ирээдүйн одод” спортын дунд сургуулийн багш Б.Идэрсайхан, Улаанбаатар хотын Биеийн тмир, спортын дунд сургуулийн багш Ц.Цогтбаяр нарын удирдсан 5 хөвгүүн, 3 охин нийт 8 бөх урилгаар оролцсон байна. Тус тэмцээнд АНУ, Иран, Монгол, Япон гэсэн 4 орны 12 наснаас доош насны 600 орчим өсвөрийн бөхчүүд барилдсан байна.

Бэлтгэсэн Д.Өлгийсайхан

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна