Аялал жуулчлалын бизнес эрхлэгчид анхны тусламжийн сургалтад хамрагдлаа

Хуучирсан мэдээ: 2016.03.29-нд нийтлэгдсэн

Аялал жуулчлалын бизнес эрхлэгчид анхны тусламжийн сургалтад хамрагдлаа

Жуулчдын аюулгүй байдлыг хангаж, тав тухтай орчинд аялуулах нь "Найрсаг Улаанбаатар" хөтөлбөрийн нэг томоохон зорилт билээ. Энэхүү зорилтын хүрээнд 2015 оны 12 дугаар сард нийслэлийн Засаг даргын захирамжаар "Улаанбаатар хотын аялал жуулчлалын эрсдэлийн менежментийн төлөвлөгөө"-г баталсан.

Эрдэлийн менежментийн төлөвлөгөөнд  Улаанбаатар хотын жуулчны үйлчилгээний байгууллагын ажилтнуудад онцгой нөхцөл байдлын үед үйлчлүүлэгчдийг авран хамгаалах, яаралтай тусламж үзүүлэх чадварыг эзэмшүүлсэн байхаар  тусгагдсаны дагуу нийслэлийн Засаг даргын Тамгын газар, нийслэлийн Аялал жуулчлалын газраас “Болзошгүй гамшиг ослын үеийн бэлэн байдлыг хангах, яаралтай тусламжийг зөв, чанартай үзүүлэх нь” цуврал сургалтыг нийслэл хотын зочид буудал, жуулчны үйлчилгээний байгууллагын ажилтнуудад доорх хуваарийн дагуу үнэ төлбөргүй явуулах гэж байна.

Хан-Уул дүүрэг – 2016.03.30-31
Чингэлтэй дүүрэг- 2016.04.01-02
Сүхбаатар дүүрэг-2016.04.04-05
Баянзүрх дүүрэг-2016.04.06-07
Баянгол дүүрэг-2016.04.08-09
Сонгинохайрхан дүүрэг 2016.04.11-12
Налайх дүүрэг 2016.04.13-14
Багануур дүүрэг 2016.04.15-16
МИАТ болон Чингис хаан олон улсын нисэх буудал 2016.04.18-19
БОНХАЖЯ, НАЖГ болон дүүргүүдийн Аялал жуулчлал хариуцсан мэргэжилтнүүд 2016.04.20-21
Улаанбаатар хотын цагдаагийн газар 2016.04.22-29-ний өдөр болно.

Бүртгэлтэй холбоотой мэдээллийг Нийслэлийн Аялал жуулчлалын газрын мэргэжилтэн Ш.Ундармаагаас 70148687 дугаарын утсаар авах боломжтой. 2015 оны Азийн яаралтай тусламжийн холбооны судалгаагаар манай улс анхан шатны тусламж үзүүлэх чадвар, яаралтай тусламж үзүүлэх хугацаа зэрэг үзүүлэлтээрээ Азийн бусад оронтой харьцуулахад хоцрогдолтой байгаа юм. 2 өдрийн сургалтыг амжилттай дүүргэсэн оролцогчдод анхны тусламж үзүүлэх олон улсын үнэмлэх олгоно.

ЭХ СУРВАЛЖ: НИЙСЛЭЛИЙН АЯЛАЛ ЖУУЛЧЛАЛЫН ГАЗАР

 

NewsMN Гар утасны хувилбар Татах
NEWS.mn

Мэдээллийн эх сурвалж