Тарвага ичээнээсээ гарчээ

2016 оны 3 сарын 29

Тэрэлж орчимд хүүхдээ салхилуулж явсан эхнэр, нөхөр хоёрыг галзуу чоно ноцсон хэрэг саяхан гарсан. Чононд ноцуулсан бүсгүй хоёрхон сартай нялх хүүхэдтэй бөгөөд одоогоор вакцин хийлгэн, хүүхдээ хөхүүлэхгүй байгаа тухай бид өмнө нь мэдээлсэн.

Тэгвэл өчигдөр /2016.03.28/ Баянхонгор аймгийн Гурванбулаг сумын ойролцоо тарвага ичээнээсээ гарч явахтай таарсан тухайгаа  Altangerel Telmen өөрийн фэйсбүүк  хуудсандаа бичсэн байна. Тарвага болон бусад амьтад ичээнээсээ  гарах хараахан болоогүй бөгөөд дөрөвдүгээр сарын эхээр ханш нээсний дараа ичигсэд хөдөлж, ичээнээсээ гардаг билээ. Харин энэ жил Хонгор нутагт тарвага ичээнээсээ эрт гарчээ. Ичигсэд эрт хөдлөх нь урин цаг эрт ирэхийн билэгдэл хэмээн үздэг ажээ.

Мөн хаврын хатууд хөдөлгөөнд орсон ичигсэд идэх уухаар дутмаг байдаг тул зарим нэг нь идэш ууш, хужир шүү хайн эрт ичээнээсээ гардаг гэнэ. Ийн хужирт яваа тарвагыг агнаж устгах, авлахыг хорьдог тухай анчид бичиж үлдээсэн нь ч бий.

Д.ЦЭЭЛ

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна