Ирц бүрдэхгүйгээс 14.00 цаг болгон хойшлуулав

2016 оны 3 сарын 31

УИХ-ын дарга захирамж гарган ээлжит бус чуулганыг гуравдугаар сарын 29-31-ний хооронд зарлан хуралдуулахаар болсон. Өнөөдөр сүүлийнх нь өдөр, өглөө 09.00 цагаас эхлэн ээлжит бус чуулганыг нээхийг оролдсон ч дахин ирц бүрдсэнгүй. Иймээс УИХ-ын дарга гишүүдийг ээлжит бус чуулганы хуралдаанд ирэхийг уриалж, 14.00 цагт дахин цаг товлон чуулганыг нээх оролдлого хийхээр болов.

Ээлжит бус чуулганаар цацраг идэвхит хог хаягдалтай холбоотой нэр бүхий дөрвөн конвенцийг хэлэлцэхээр төлөвлөсөн. Үүнийг УИХ дахь Ардчилсан намын бүлэг дэмжиж байгаагаа илэрхийлсэн бол УИХ дахь МАН-ын бүлгийн зүгээс дэмжих боломжгүй конвенци хэмээн мэдэгдээд буй. УИХ дахь МАХН-МҮАН-ын Шударга ёс эвслийн бүлгийн хувьд дээрх конвенцийг хэлэлцэхэд чуулганы хуралдаанд оролцохгүй гэх байр суурь баримталж байгаа гэх албан бус мэдээ бий.

Г.ДАРЬ

 

 

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна