Монголын Залуучуудын холбооны Өмнөговь аймаг дахь салбар, Өмнөговь аймгийн Цогтцэций сумын Залуучуудын холбооны санаачилгаар Зүүн бүсийн сумдын Залуучуудын холбооны чуулга уулзалт 2016.03.25-26ны өдрүүдэд зохион байгуулсан юм. Чуулга уулзалтанд Өмнөговь аймгийн Цогт Овоо, Ханхонгор, Манлай, Ханбогд, Баян Овоо, Цогтцэций сумын нийт 60 гаруй залуучуудын төлөөлөл оролцлоо. Зүүн бүсийн сумдын “Залуучуудын холбоо”-ны тэргүүн туршлага, хийсэн ажлын тайлангаа танилцуулж, сургалт, лекцийг зохион байгуулсан бөгөөд энэхүү уулзалтаас “ЗАЛУУСЫН МАНЛАЙЛАЛ-МОНГОЛЫН ИРЭЭДҮЙ” уриалгыг гаргалаа. Мөн “Таван толгой” ХК-ийн үйл ажиллагаатай танилцаж нөхөрсөг гар бөмбөгийн тэмцээн зохион байгууллаа. Энэхүү үйл ажиллагааг Цогтцэций сумын Иргэдийн Төлөөлөгчдийн хурал, Засаг даргын Тамгын газар, Тавантолгой ХК ивээн тэтгэсэн юм.