Төвлөрсөн хогийн цэгүүдэд шалгалт хийв

2016 оны 4 сарын 2

Улаанбаатар хотын Захирагчийн ажлын албанаас Нарангийн энгэр, Мориндаваа, Цагаандавааны төвлөрсөн хогийн цэгүүдийн ажилд шалгалт хийлээ. Шалгалтын хүрээнд төвлөрсөн хогийн цэгүүдийн өдөр тутмын ажиллагаа, машин техникийн ашиглалт, ландфилл технологиор хог дарж устгаж буй байдал, ажилчдын хөдөлмөр аюулгүй ажиллагаатай танилцсан юм.

Энэ үеэр Захирагчийн ажлын албаны Үйл ажиллагааны мониторингийн хэлтэс, Тохижилт, хог хаягдлын удирдлагын хэлтсийн мэргэжилтнүүд, төвлөрсөн хогийн цэгүүдэд хяналт тавьж буй төрийн бус байгууллагын төлөөлөл хамтран явцын шалгалт хийж, мэргэжил арга зүйн зөвлөмж өгөв.

Төвлөрсөн хогийн цэгүүд байршуулсан хяналтын камерыг байнгын ашиглалтад оруулж Улаанбаатар хотын Шуурхай удирдлага, зохицуулалтын төв, Нийтийн үйлчилгээний Улаанбаатар нэгтгэлээс хянадаг болсон юм. Мөн гэнэтийн ослоос сэргийлсэн байнгын цахилгааны эх үүсвэрийг ашиглалтад оруулсан зэрэг ажлууд хийснийг шалгалтын ажлын хэсгийнхэн онцлов. Харин машин техникийн хүрэлцээ тааруу байгаа зөрчил дутагдлыг яаралтай арилгах үүргийг холбогдох байгууллагуудад өглөө.

ЭХ СУРВАЛЖ: УЛААНБААТАР ХОТЫН ЗАХИРАГЧИЙН АЖЛЫН АЛБА

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна