Игуаин 30 гоолын босго давсан ч баг нь хожигдлоо

2016 оны 4 сарын 4

Италийн Сери А лигийн 31 дүгээр тойргийн ихэнх тоглолтууд өнгөрсөн шөнө боллоо. Энэ тойрогт тэргүүлэгч “Ювентус”-ыг нэхэж байгаа “Наполи” клуб “Удинезе”-гийн талбайд зочлон тоглосон. Бямба гарагт “Ювентус” хожсон байсан болохоор “Наполи” зайлшгүй ялалт байгуулж байж гурван онооны зөрүүгээ хадгалах байлаа. Гэвч тэд тэгж чадсангүй.

Энэхүү тоглолтод “Удинезе” өрсөлдөгчөө 3:1-ээр буулгаж авсан юм. Ингэснээр “Наполи” 67 оноотой үлдэж, тэргүүлэгчээс 6 оноо алдаж эхэллээ. Тоглолтын 14 дэх минутад Фернандеш торгуулын цохилтоос тооны харьцааг нээсэн бол 45 дахь минутад дахин нэгийг нэмсэн. Улмаар 57 дахь минутад Терео гүйцээжээ. Харин “Наполи”-гоос 24 дэх минутад Гансало Игуаин гоолдсон байна.

Ингэснээр тэрбээр Сери А лигт 31 тойрогт 30 гоол оруулж, мэргэн буучийн жагсаалтыг ганцаараа тасархай тэргүүлж байна. Зөвхөн Италийн лиг төдийгүй Европын тавцанд мэргэн буучийн төлөө өрсөлдөж байгаа юм. Одоогоор Францийн лигт Златан Ибрахимович 30 гоол оруулчихаад байгаа билээ.

ЭХ СУРВАЛЖ: www.mminfo.mn

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна