Микроавтобусуудын үйлчлэх хугацааг хойшлууллаа

2016 оны 4 сарын 5

Сэтгүүлч:
Улаанбаатар

Нийслэлд үйлчилж буй микроавтобуснуудыг энэ сарын 1-нээс үйлчилгээнд явуулахгүй байхыг албаныхан мэдээлсэн. Энэ шийдвэрийг эсэргүүцэж микроавтобусны жолооч нар жагсаал хүртэл хийсэн. Энэ асуудлаар Бага оврын автобусаар үйлчилгээ эрхлэгчдийн холбоо УИХ-ын Өргөдлийн байнгын хороонд өргөдөл гаргаж 8 дугаар сарын нэгэн хүртэл нийтийн тээвэрт үйлчлэхээр болжээ. Тус холбоо нь 32 чиглэлийн 15 аж ахуйн нэгжүүдийн 353 тээврийн хэрэгслээр үйлчлэх гэрээг Нийслэлийн нийтийн тээврийн газартай түр байгуулсан байна.

Энэ талаар Нийслэлийн тээврийн газрын Олон нийттэй харилцах хэлтэсийн ажилтан О.Болдоос тодруулахад “Микроавтобусууд нь том оврын автобусны үйлчилж чадахгүй газруудад очиж, оройн цагаар иргэдэд үйлчилдэг. Мөн бага оврын автобусуудыг шууд үйлчилгээнээс хасахад энэ чиглэлийн үйлчилгээ эрхлэгчдийн орон зайг нөхөхөд хүнд байна. Манай байгууллагаас микроавтобуснуудад хоёр сар тутамд авто тээврийн үзлэгт хамрагдаж байх, хуучин тээврийн хэрэгслээ шинэчлэх гэсэн шаардлагыг тавьж байгаа юм.

А.ЦЭЭСҮРЭН

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна