Үлэг гүрвэлийн олдворуудыг Монголд буцаан өгчээ

2016 оны 4 сарын 6

АНУ-аас мягмар гаригт /IV.5/ зургаан төрлийн үлэг гүрвэлийн чулуужсан олдворыг Монголд буцаан өгсөн байна. Монголоос хууль бусаар хил гаргасан үлэг гүрвэлийн олдворууд АНУ-ын Нью-Йорк болон Юта муж улсад хураан авсан аж. Эдгээрээс хамгийн том нь Алиорам үлэг гүрвэлийн гавлын яс аж. Уг гавлын ясыг Францаас хуурамч бичиг баримтаар АНУ-д авчрах үеэр гаалийн албаныхан хураан авчээ.

Алиорам нь цэрдийн галавын үед буюу ойролцоогоор 66-70 сая жилийн тэртээд Монголын Говьд амьдарч байсан тираннозавридын бүлгийн махчин үлэг гүрвэл юм. Уг үлэг гүрвэлийн ердөө хоёр төрөл зүйл илэрсэн нь Говиос олджээ.

Өмнө нь АНУ-аас 70 сая жилийн настай Тарбозаврын араг ясыг Монголд буцаан өгч байсан юм. Өнгөрсөн гурван жилийн хугацаанд АНУ-аас нийтдээ 23 үлэг гүрвэлийн араг яс, чулуужсан олдворыг Монголд буцаан өгчээ.

Б.АНХТУЯА

ЭХ СУРВАЛЖ: AGENCE FRANCE-PRESSE

 

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна