Карабахт гал зогсоожээ

2016 оны 4 сарын 6

 

Кавказын Нагорный Карабах бүс нутагт Азербайжан болон Армены хооронд мягмар гаригт /2016.04.05/ гал зогсоох тохиролцоонд хүрчээ.  Дөрвөн өдөр үргэлжилсэн цуст мөргөлдөөнд Азербайжаны 31 цэрэг, хоёр энгийн иргэн, Армены 35 дайчин, таван энгийн иргэн нийт 73 хүн амь үрэгдсэн байна.  Хуучин Зөвлөлт холбоот улсын бүрэлдэхүүний хоёр орны хооронд сэдэрсэн зөрчлийг намжаахад ОХУ-ын ерөнхийлөгч Владимир Путин гол үүрэг гүйцэтгэсэн аж. Нагорный Карабахт гал зогсоох хэлэлцээнд хүрсэн боловч буудалцаан үргэлжилж байгааг Армены батлан хамгаалахын сайд мэдээлжээ. Үүний зэрэгцээ пүрэв гаригт /VI.7/ ОХУ, Иран, Азербайжаны дипломатууд Бакуд уулзаж зөрчлийг шийдвэрлэх арга замыг хэлэлцэхээр болсон байна.

 

1994 онд дайн дууссанаас хойш Нагорный Карабах бүс нутаг армены салан тусгаарлагчдын мэдэлд байгаа аж. Хоёр талын зөрчил мөргөлдөөн 1980-аад оноос эхтэй бөгөөд ЗХУ задарсны дараа 1991 онд бүрэн хэмжээний дайн гарч 30 мянган хүн амь үрэгджээ.

 

Эх сурвалж: Agence France Presse

 

Б.АНХТУЯА

АНХААРУУЛГА: Уншигчдын бичсэн сэтгэгдэлд news.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү. Хэм хэмжээ зөрчсөн сэтгэгдлийг админ устгах эрхтэй.
Сэтгэгдэл бүртгэгдээгүй байна